ഡല്‍ഹിയില്‍ ഇന്ന് സിപിഎം കേന്ദ്ര കമ്മിറ്റി യോഗം

0
36

ന്യൂഡല്‍ഹി : ഡല്‍ഹിയില്‍ സിപിഎം കേന്ദ്ര കമ്മിറ്റി യോഗം ഇന്ന് ആരംഭിക്കും. ലോക്‌സഭാ തെരഞ്ഞെടുപ്പിന്‍റെ മുന്നൊരുക്കങ്ങളെ കുറിച്ചാകും മുഖ്യചര്‍ച്ച. ഷൊര്‍ണൂര്‍ എംഎല്‍എ പി കെ ശശിക്കെതിരെ സംസ്ഥാന കമ്മിറ്റി കൈക്കൊണ്ട നടപടി യോഗത്തില്‍ റിപ്പോര്‍ട്ട് ചെയ്യും. ലൈംഗികപീഡന പരാതി ഗൗരവമായി പരിഗണിക്കാതെയാണ് ആറുമാസത്തെ മാത്രം സസ്‌പെന്‍ഷന്‍ തീരുമാനിച്ചതെന്ന് പെണ്‍കുട്ടി കേന്ദ്രനേതൃത്വത്തിന് വീണ്ടും പരാതി നല്‍കിയിരുന്നു. നേരത്തെ, ശശിക്കെതിരായ നടപടി വൈകിയപ്പോള്‍ കേന്ദ്ര നേതൃത്വം ഇടപ്പെട്ടിരുന്നു. പാര്‍ട്ടി സ്ത്രീവിരുദ്ധ നിലപാടെടുക്കുന്നു എന്ന പരാതിക്കിടയാക്കാത്ത തീര്‍പ്പ് വേണമെന്ന അഭിപ്രായം സിപിഎം ജനറല്‍ സെക്രട്ടറി സീതാറാം യെച്ചൂരി സംസ്ഥാന നേതാക്കളെ അറിയിച്ചതോടെയാണ് നടപടിയിലേക്ക് കാര്യങ്ങള്‍ നീങ്ങിയത്.

LEAVE A REPLY

Please enter your comment!
Please enter your name here