പ്രളയക്കെടുതില്‍ സഹായിച്ച യുഎഇ ഭരണാധികാരിക്ക് നന്ദി അറിയിച്ച് പ്രധാനമന്ത്രി

0
168

ന്യൂഡല്‍ഹി : കേരളത്തിലെ ജനങ്ങളെ പ്രളയക്കെടുതില്‍ സഹായിക്കാന്‍ മനസ്സ് കാണിച്ച യുഎഇ വൈസ്പ്രസിഡന്റും പ്രധാനമന്ത്രിയും ദുബായി ഭരണാധികാരിയുമായ ഷെയ്ക് മൊഹമ്മദ് ബിന്‍ റാഷിദ് അല്‍മക്തുമിന് ഇന്ത്യന്‍ പ്രധാനമന്ത്രി നരേന്ദ്ര മോദി നന്ദി അറിയിച്ചു. കേരളത്തിലെ ജനങ്ങളെ സഹായിക്കാനുള്ള തീരുമാനം ഇന്ത്യയ്ക്കും യുഎഇയ്ക്കും ഇടയിലെ സവിശേഷ ബന്ധത്തിന്‍റെ പ്രതിഫലനമാണെന്ന് മോദി ട്വിറ്ററില്‍ കുറിച്ചു.

കേരളത്തിലെ ജനങ്ങളെ സഹായിക്കാന്‍ എല്ലാവരും മുന്നോട്ട് വരണമെന്ന് യുഎഇ ഭരണകൂടം കഴിഞ്ഞദിവസം അഭ്യര്‍ത്ഥിച്ചിരുന്നു. നൂറ്റാണ്ടിലെ ഏറ്റവും വലിയ ദുരിതമാണ് കേരളം അനുഭവിക്കുന്നതെന്നായിരുന്നു യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിന്‍ റാഷിദ് അല്‍ മക്തൂം ട്വിറ്ററില്‍ കുറിച്ചിരുന്നു.

അതേസമയം ഷാര്‍ജ ഭരണാധികാരി ഡോ. ശൈഖ് സുല്‍ത്താന്‍ ബിന്‍ മുഹമ്മദ് അല്‍ ഖാസിമി കേരളത്തിന് 4കോടി രൂപ നല്‍കുമെന്ന് പ്രഖ്യാപിച്ചിരുന്നു. പ്രളയ ദുരിതത്തില്‍ ദുഖം പങ്കുവെച്ച്‌ യുഎഇ പ്രസിഡന്റും അബുദാബി അമീറുമായ ശൈഖ് ഖലീഫ ബിന്‍ സായിദ് അല്‍ നഹ്‌യാന്‍ രാഷ്ട്രപതി രാം നാഥ് കോവിന്ദിന് സന്ദേശം അയച്ചു.

 

 

LEAVE A REPLY

Please enter your comment!
Please enter your name here