ആരാധക മനസ്സില്‍ അത്ഭുതങ്ങള്‍ സൃഷ്ടിക്കാന്‍ ടൈറ്റാനിക് വീണ്ടുമെത്തുന്നു

0

ലോകമെമ്പാടുമുള്ള ഹോളിവുഡ് ആരാധകരെ ഒന്നടങ്കം കയ്യിലെടുത്ത ചിത്രമാണ് ടൈറ്റാനിക്. ചിത്രം പുറത്തിറങ്ങി 20 വര്‍ഷം പിന്നിടുമ്പോള്‍ രണ്ടാമതും ചിത്രം തിയറ്ററിലെത്തിക്കാനൊരുങ്ങുകയാണ് അണിയറ പ്രവര്‍ത്തകര്‍. ഇതിന്റെ ഭാഗമായി നൂതന സാങ്കേതിക വിദ്യ ഉപയോഗിച്ചുള്ള പുതിയ ട്രെയിലറുമിറക്കി.
ലോകസിനിമയിലെ എക്കാലത്തെയും മികച്ച ചിത്രങ്ങളിലൊന്നായ ടെറ്റാനിക് പുറത്തിറങ്ങിയതിന്റെ 20 വാര്‍ഷികാഘോഷവേളയിലാണ് ചിത്രം തിയറ്ററിലേക്കെത്തുന്നത് ആരാധകരെ ഞെട്ടിച്ച് കൊണ്ട് ചിത്രത്തിന്റെ പുതിയ ടീസറും എത്തി. ദുരന്തമുഖത്തും പ്രണയത്തിന്റെ തീവ്രത ചോര്‍ന്നു പോകാതെ പ്രേക്ഷക മനം കീഴടക്കിയ നേടിയ ജാക്കും റോസും വീണ്ടും ബിഗ് സ്കീനിലേക്കെത്തുമ്പോള്‍ ആരാധകരും ആവേശത്തിലാണ്. ലോകത്തിലെ ഏറ്റവും വലിയ കളക്ഷന്‍ നേടിയ ചിത്രങ്ങളില്‍ രണ്ടാം സ്ഥാനത്താണ് ടൈറ്റാനിക്ക്. ഡോള്‍ബി അറ്റ്സ്മോസ് സാങ്കേതിക വിദ്യക്കൊപ്പം ടുഡിയിലും 3ഡിയിലും ചിത്രം പുറത്തെത്തും. ജെയിംസ് കാമറൂണ്‍ തന്നെയാണ് അണിയറയില്‍. 1912 ലെ ടൈറ്റാനിക്ക് കപ്പല്‍ ദുരന്തത്തിന്റെ പശ്ചാത്തലത്തില്‍ ഒരുക്കിയ ചിത്രം 11 ഓസ്ക്കാര്‍ പുരസ്ക്കാരവും നേടിയിരുന്നു.
ലിയോനാര്‍ഡോ ഡികാപ്രിയോ, കേറ്റ് വിന്‍സ്ലെറ്റ് എന്നിവരാണ് ചിത്രത്തിലെ കേന്ദ്രകഥാപാത്രങ്ങളെ അവതരിപ്പിച്ചത് .1997 നവംബര്‍ 18നായിരുന്നു ചിത്രം പുറത്തിറങ്ങിയത്

Leave A Reply

Your email address will not be published.