ദേശീയ കായിക സര്‍വകലാശാല മണിപ്പൂരിലെ ഇംഫാലില്‍

0

ന്യൂഡല്‍ഹി: രാജ്യത്തെ പ്രഥമ ദേശീയ കായിക സര്‍വകലാശാല വടക്കു കിഴക്കന്‍ സംസ്ഥാനമായ മണിപ്പൂരിലെ ഇംഫാലില്‍. ഇതുസംബന്ധിച്ച കേന്ദ്ര മന്ത്രിയുടെ ഒാര്‍ഡിനന്‍സിന് രാഷ്ട്രപതി രാംനാഥ് കോവിന്ദ് അംഗീകാരം നല്‍കും. 2014-15 കേന്ദ്രബജറ്റിലാണ് കായിക സര്‍വകലാശാല സ്ഥാപിക്കുന്ന വിവരം പ്രഖ്യാപിച്ചത്. ഇതിനാവശ്യമായ 325.90 ഏക്കര്‍ ഭൂമി ലഭ്യമാക്കാന്‍ മണിപ്പൂര്‍ സര്‍ക്കാര്‍ സമ്മതിച്ചിരുന്നു. പടിഞ്ഞാറന്‍ ഇംഫാല്‍ ജില്ലയിലെ കൊട്രകിലാണ് ഭൂമി നല്‍കുക.
സ്പോര്‍ട്സ് സയന്‍സ്, സ്പോര്‍ട്സ് ടെക്നോളജി, സ്പോര്‍ട്സ് മാനേജ്മെന്‍റ്, സ്പോര്‍ട്സ് കോച്ചിങ് എന്നീ മേഖലകള്‍ കായിക വിദ്യാഭ്യാസത്തിന്‍റെ ഭാഗമാക്കാനാണ് സര്‍വകലാശാല സ്ഥാപിക്കുന്നത്. കായിക താരങ്ങള്‍ക്ക് മികച്ച രാജ്യാന്തര പരിശീലനം നല്‍കുകയാണ് ഇതിലൂടെ ലക്ഷ്യമിടുന്നത്.

Leave A Reply

Your email address will not be published.