സിറിയയില്‍ വീണ്ടും സൈന്യത്തെ വിന്യസിക്കാന്‍ തയ്യാറായി അമേരിക്ക

0

വാഷിംഗ്‌ടണ്‍: സൈന്യത്തെ പിന്‍വലിച്ചതിന് ശേഷം സിറിയയിലും അഫ്ഗാനിലും ഐസിസ് പിടിമുറുക്കുകയാണെങ്കില്‍ വീണ്ടും സൈന്യത്തെ വിന്യസിക്കാന്‍ തയ്യാറാണെന്ന് അമേരിക്കന്‍ പ്രസിഡന്റ് ഡോണാള്‍ഡ് ട്രംപ്. ശക്തമായ വ്യോമയാന സംവിധാനമാണ് തങ്ങള്‍ക്ക് ഉള്ളതെന്നും ഏതു സമയവും സിറിയയിലേക്കും അഫ്ഗാനിലേക്കും എത്തിച്ചേരാന്‍ കഴിയുമെന്നും ട്രംപ് പ്രതികരിച്ചു. എന്നാല്‍ അമേരിക്ക സൈന്യത്തെ പിന്‍വലിച്ചാല്‍ മാസങ്ങള്‍ക്കുള്ളില്‍ ഐസിസും മറ്റ് തീവ്രവാദ സംഘടനകളും പിടിമുറുക്കുമെന്ന് പെന്റഗണ്‍ വിലയിരുത്തുന്നു. കഴിഞ്ഞ ഡിസംബറിലാണ് അഫ്ഗാനില്‍ നിന്നും സിറിയയില്‍ നിന്നും അമേരിക്കന്‍ സൈന്യത്തെ പൂര്‍ണമായും പിന്‍വലിക്കുകയാണെന്ന ട്രംപിന്‍റെ വിവാദമായ പ്രതികരണം ഉണ്ടായത്. വൈറ്റ് ഹൗസിന്‍റെ ഈ തീരുമാനത്തിനെതിരെ കടുത്ത വിമര്‍ശനങ്ങളുയര്‍ന്ന സാഹചര്യത്തിലാണ് ട്രംപിന്‍റെ പുതിയ പ്രതികരണം. എന്നാല്‍ തീവ്രവാദ സംഘടനകളെ തുടച്ചു നീക്കുന്നതിന് മുമ്ബ് സൈന്യത്തെ പിന്‍വലിക്കുമെന്ന ട്രംപിന്‍റെ തീരുമാനത്തില്‍ പ്രതിഷേധിച്ച്‌ അമേരിക്കന്‍ പ്രതിരോധ സെക്രട്ടറി ജെയിംസ് മാറ്റിസ് ഉള്‍പ്പെടെ ഉന്നത ഉദ്യോഗസ്ഥര്‍ രാജിവെച്ചിരുന്നു.

Leave A Reply

Your email address will not be published.