നടിയെ തട്ടിക്കൊണ്ടുപോയ കേസില്‍ നടന്‍ കുഞ്ചാക്കോ ബോബന് കോടതി വാറണ്ട് പുറപ്പെടുവിച്ചു

കൊച്ചി : നടിയെ തട്ടിക്കൊണ്ടുപോയി ആക്രമിച്ച കേസില്‍ വിസ്താരത്തിനായി വെള്ളിയാഴ്ച കോടതിയിലെത്താന്‍ നേരത്തെ സമന്‍സ് നല്‍കിയിരുന്നിട്ടും എത്താതിരുന്നതിനെ തുടര്‍ന്ന് സാക്ഷിയായ നടന്‍ കുഞ്ചാക്കോ ബോബന് കോടതിയുടെ വാറന്റ്. എറണാകുളം അഡീഷണല്‍ സെഷന്‍സ് ജഡ്ജി ഹണി എം വര്‍ഗീസ് ആണ് ബെയ്ലബിള്‍ വാറന്റ് പുറപ്പെടുവിച്ചത്. തുടര്‍ന്ന്  കേസ് രജിസ്റ്റര്‍ ചെയ്ത നെടുമ്പാശ്ശേരി സ്റ്റേഷനിലെ പോലീസ് ഉദ്യോഗസ്ഥനാണ് കോടതി വാറന്റ് കൈമാറിയത്.

അതേസമയം സിനിമാ ചിത്രീകരണവുമായി ബന്ധപ്പെട്ട് കൊടൈക്കനാലില്‍ ആയതുകൊണ്ട് ഹാജരാകാന്‍ കഴിയില്ലെന്ന് കുഞ്ചാക്കോ ബോബര്‍ അറിയിച്ചിരുന്നു. ഇതോടെ അടുത്ത മാസം നാലിന് ഹാജരാകാന്‍ കോടതി നിര്‍ദേശം നല്‍കിയിരുന്നു. എന്നാല്‍ നടിമാരായ ഗീതു മോഹന്‍ദാസ്, സംയുക്ത വര്‍മ്മ എന്നിവര്‍ക്കും ഇന്നലെ കോടതിയില്‍ വിസ്താരത്തിനായി എത്താന്‍ സമന്‍സ് ഉണ്ടായിരുന്നതിനെത്തുടര്‍ന്ന് ഇരുവരും എത്തിയിരുന്നു. എന്നാല്‍ ഗീതുവിനോടും സംയുക്തയോടും ഒരേ കാര്യങ്ങള്‍ തന്നെയാണ് ചോദിക്കുന്നതെന്ന് ചൂണ്ടിക്കാട്ടി സംയുക്താ വര്‍മ്മയുടെ വിസ്താരം കോടതി ഒഴിവാക്കി.

Comments are closed.