Ultimate magazine theme for WordPress.

വ്യാജ പ്രചരണങ്ങള്‍ തനിക്കെതിരെ നടക്കുന്നതായി പരാതിപ്പെട്ട് നടി ജൂഹി രസ്തഗി

വാസ്തവ വിരുദ്ധവും മോശമായ തരത്തിലുമുള്ള വ്യാജ പ്രചരണങ്ങള്‍ തനിക്കെതിരെ നടക്കുന്നതായി പരാതിപ്പെട്ടിരിക്കുകയാണ് നടി ജൂഹി രസ്തഗി. തുടര്‍ന്ന് ഡിജിപി ലോക്‌നാഥ് ബെഹ്‌റയ്ക്കും എറണാകുളം സിറ്റി പൊലീസ് കമ്മിഷണര്‍ക്കും പരാതി നല്‍കിയതായി ജൂഹി പറഞ്ഞു.

കുറ്റക്കാരെ നിയമത്തിനു മുന്നില്‍ കൊണ്ടുവരാനാകുമെന്നാണ് കരുതുന്നത്. അടുപ്പമുള്ളവര്‍ പറഞ്ഞപ്പോഴാണ് തനിക്ക് എതിരെയുള്ള പ്രചരണങ്ങള്‍ അറിഞ്ഞതെന്നും ജുഹി വ്യക്തമാക്കി.

ജൂഹിയുടെ ഫേസ്ബുക്ക് പോസ്റ്റ്

കഴിഞ്ഞ കുറച്ചു ദിവസങ്ങളായി സമൂഹ മാധ്യമങ്ങളിലൂടെ വ്യാപകമായി എന്റെ പേരില്‍ തികച്ചും മോശമായ തരത്തിലുള്ള വ്യാജ പ്രചരണകള്‍ നടക്കുന്നതായി ശ്രദ്ധയില്‍പ്പെട്ടു. ഇത്തരം പ്രചരണങ്ങള്‍ എല്ലാം തന്നെ തികച്ചും വാസ്തവവിരുദ്ധവും എന്നെ വ്യക്തിഹത്യ നടത്തുക എന്ന ഗൂഢ ലക്ഷ്യത്തോടെ ചില കുബുദ്ധികള്‍ നടത്തുന്നതുമാണെന്ന് വേദനയോടെ അറിയിച്ചു കൊള്ളട്ടെ.

ശ്രദ്ധയില്‍പ്പെട്ട ഇത്തരം സമൂഹ മാധ്യമ പോസ്റ്റുകള്‍ – ചൂണ്ടി കാട്ടി കേരള പൊലീസ് ഡയറക്ടര്‍ ജനറല്‍ ലോക്‌നാഥ് ബെഹ്‌റ ഐപിഎസിനനും, എറണാകുളം സിറ്റി പൊലീസ് കമ്മിഷണര്‍ക്കും പരാതി നല്‍കി. ഇവരുടെ നിര്‍ദ്ദേശപ്രകാരം സൈബര്‍ സെല്‍ എന്റെ പരാതി അടിയന്തിരമായി അന്വേഷിക്കുകയാണെന്ന വിവരം അറിയിക്കട്ടെ. പൊലീസിന്റെ സഹായത്താല്‍ കുപ്രചരണങ്ങളുടെ ഉറവിടവും കുറ്റക്കാരേയും ഉടനെ തന്നെ നിയമത്തിനുമുന്നില്‍ കൊണ്ടുവരുവാന്‍ സാധിക്കുമെന്ന് ഞാന്‍ വിശ്വസിക്കുന്നു. എല്ലാവരുടെയും സ്‌നേഹവും കരുതലും എപ്പോഴും ഒപ്പമുണ്ടാകണം

Comments are closed.