മുംബൈയിലെ 1000 കുടുംബങ്ങള്‍ക്ക് ഭക്ഷണമെത്തിക്കുമെന്ന് ബോളിവുഡ് നടന്‍ സഞ്ജയ് ദത്ത്

മുംബൈ: കൊറോണയെത്തുടര്‍ന്നുള്ള ലോക്ക് ഡൗണില്‍ മുംബൈയിലെ 1000 കുടുംബങ്ങള്‍ക്ക് ഭക്ഷണമെത്തിക്കുമെന്ന് ബോളിവുഡ് നടന്‍ സഞ്ജയ് ദത്ത് അറിയിച്ചു. സവര്‍ക്കര്‍ ട്രസ്റ്റുമായി സഹകരിച്ചാണ് സഞ്ജയ് ദുരിതാശ്വാസ പ്രവര്‍ത്തനങ്ങളില്‍ ഏര്‍പ്പെടുന്നത്.

‘രാജ്യത്തിനാകെ ഇത് കഠിനമായ കാലമാണ്. ഓരോരുത്തരും അവരവര്‍ക്ക് കഴിയുന്ന രീതിയില്‍ സഹജീവികളെ സഹായിക്കുന്നു. അത് വീട്ടിലിരുന്ന് സാമൂഹിക അകലം പാലിച്ചിട്ടായാലും ശരി. മറ്റുള്ളവരെ സഹയിക്കാനായി ഞാന്‍ എന്നാല്‍ കഴിയുന്നത് ചെയ്യും’. സഞ്ജയ് ദത്ത് പറയുന്നു. അതേസമയം കൊവിഡ് 19 ഏറ്റവും കൂടുതല്‍ ബാധിച്ച ഇന്ത്യന്‍ നഗരങ്ങളിലൊന്ന് മുംബൈയാണ്.

അതേസമയം, കൊറോണ പ്രതിരോധ പ്രവര്‍ത്തനങ്ങള്‍ക്ക് കയ്യയച്ച് സംഭാവനയും സഹായവുമായി സെലിബ്രിറ്റികടക്കം നിരവധി പേരാണ് രംഗത്ത് വന്നത്.

Comments are closed.