ഡെറാഡൂണ്‍: ഉത്തരകാശി ജില്ലയില്‍ ക്വാറന്റൈന്‍ ലംഘിച്ചതിന് ആറ് മാസം പ്രായമുള്ള കുഞ്ഞടക്കം 51 പേര്‍ക്കെതിരെ ഉത്തരാഖണ്ഡ് പൊലീസ് കേസെടുത്തു. രണ്ട്, എട്ട് വയസ്സുള്ള കുട്ടികളും കേസെടുത്തവരിലുണ്ട്. തുടര്‍ന്ന് പൊലീസിന്റെ നടപടിക്കെതിരെ ജില്ലാ മജിസ്ട്രേറ്റ് രംഗത്തെത്തി.
ജുവനൈല്‍ നിയമപ്രകാരം എട്ട് വയസ്സില്‍ താഴെയുള്ള കുട്ടികള്‍ക്കെതിരെ കേസ് രജിസ്റ്റര്‍ ചെയ്യാന്‍ പാടില്ല. സംഭവം അന്വേഷിച്ച് നടപടിയെടുക്കുമെന്നും സംഭവത്തില്‍ റിപ്പോര്‍ട്ട് തേടിയിട്ടുണ്ടെന്നും മജിസ്ട്രേറ്റ് വ്യക്തമാക്കി. അതേസമയം കൊവിഡ് രോഗവ്യാപനം തടയുന്നതിനായാണ് ലോക്ക്ഡൗണ്‍ പ്രഖ്യാപിച്ചത്. അത്യാവശ്യ കാര്യങ്ങള്‍ക്കല്ലാതെ പുറത്തിറങ്ങുന്നവര്‍ക്കെതിരെ കേസെടുക്കാനാണ് പൊലീസ് നിര്‍ദേശം.
Comments are closed.