ടൊയോട്ട തങ്ങളുടെ യാരിസ് ക്രോസിന്റെ ഔദ്യോഗിക വീഡിയോ പുറത്തുവിട്ടു

2018-ല്‍ വിപണിയില്‍ എത്തിയ യാരിസിനെ അടിസ്ഥാനമാക്കി ചെറു ക്രോസ്ഓവര്‍ എസ് യുവിയെ കഴിഞ്ഞ ദിവസമാണ് ജാപ്പനീസ് നിര്‍മ്മാതാക്കളായ ടൊയോട്ട വെളിപ്പെടുത്തിയത്.

2020 ജനീവ മോട്ടോര്‍ഷോയില്‍ വാഹനത്തെ പ്രദര്‍ശിപ്പിക്കാനായിരുന്നു കമ്പനി പദ്ധതിയിട്ടിരുന്നത്. എന്നാല്‍ കൊവിഡ്-19 യുടെ പശ്ചാത്തലത്തില്‍ ജനീവ മോട്ടോര്‍ഷോ റദ്ദാക്കിയതിനെ തുടര്‍ന്നാണ് പുതിയ വാഹനത്തിന്റെ ചിത്രങ്ങള്‍ കമ്പനി കഴിഞ്ഞ ദിവസം പുറത്തുവിട്ടത്.

ടൊയോട്ടയുടെ ഡിഎന്‍ജിഎ (DNGA) പ്ലാറ്റ്ഫോമിലാണ് വാഹനത്തിന്റെ നിര്‍മ്മാണം. 4,180 mm നീളവും 2,560 mm വീല്‍ബെയ്സുമുണ്ട്. ടൊയോട്ടയുടെ ചെറു എസ് യുവിയായ C-HR -നും താഴെയാണ് വാഹനത്തിന്റെ സ്ഥാനം.

ഡ്യുവല്‍-ടോണ്‍ നിറത്തിലാണ് വാഹനം അവതരിപ്പിച്ചിരിക്കുന്നത്. എല്‍ഇഡി പ്രൊജക്ട ഹെഡ്‌ലാമ്പുകള്‍, വീല്‍ ആര്‍ച്ച്, 18 ഇഞ്ച് അലോയി വീലുകള്‍, ഇല്‍ഇഡി ടെയില്‍ ലാമ്പ് എന്നിവയാണ് പുറമേയുള്ള വാഹനത്തിന്റെ സവിശേഷതകള്‍.

ഫീച്ചര്‍ സമ്പന്നമായണ് അകത്തളം. ഹൈബ്രിഡ് എഞ്ചിനാണ് വാഹനത്തിന്റെ കരുത്ത്. 1.5 ലീറ്റര്‍ പെട്രോള്‍ എഞ്ചിനും ഇലക്ട്രിക് മോട്ടറുമാണ് (85 kw) വാഹനത്തിന് കരുത്തേകുന്നത്. 114 bhp കരുത്ത് ഉത്പാദിപ്പിക്കും. ഓള്‍വീല്‍ ഡ്രൈവ് പതിപ്പിലാകും വാഹനം വിപണിയില്‍ എത്തുക.

വിൽപ്പനയുടെ ആദ്യനാളുകളിൽ ഫ്രാന്‍സിലും പിന്നീട് മറ്റ് യൂറോപ്യന്‍ വിപണികളിലുമായിരിക്കും വാഹനം വില്‍പ്പനയ്ക്ക് എത്തുക. ഏഷ്യന്‍ വിപണിയില്‍ പുറത്തിറക്കുമോ എന്ന് കമ്പനി വ്യക്തമാക്കിയിട്ടില്ലെങ്കിലും ഇന്ത്യയിലെത്തിയാല്‍ ഹ്യുണ്ടായി ക്രെറ്റ, കിയ സെല്‍റ്റോസ് എന്നിവരായിരിക്കും പ്രധാന എതിരാളികള്‍.

സ്വകാര്യ ഉപഭോക്താക്കളെ ലക്ഷ്യമാക്കി വിപണിയില്‍ എത്തിയ വാഹനമാണ് യാരിസ്. എന്നാല്‍ എറ്റിയോസ് ശ്രേണി ഇന്ത്യയില്‍ നിര്‍ത്തലാക്കിയത് ടാക്സി വിഭാഗത്തില്‍ വലിയ തിരിച്ചടിയാണ് കമ്പനിക്ക് ലഭിച്ചത്.

Comments are closed.