മതവിദ്വേഷ പ്രസംഗം: പിസി ജോർജ് പൊലീസ് കസ്റ്റഡിയിൽ

0

തിരുവനന്തപുരം :   മതവിദ്വേഷ പ്രസംഗെയിം നടത്തിയ കേസിൽ തിരുവനന്തപുരം ഫോർട്ട് പൊലീസ് പിസി  ജോർജിനെ കസ്റ്റഡിയിലെടുത്തു. പാലാരിവട്ടത്തെത്തിയാണ് പൊലീസ് പിസി ജോർജിനെ കസ്റ്റഡിയിലെടുത്തത്. പിസി ജോർജുമായി പൊലീസ് ഉദ്യോഗസ്ഥർ തിരുവനന്തപുരത്തേക്ക് തിരിച്ചിട്ടുണ്ട്. കേസിൽ ജാമ്യം റദ്ദാക്കിയതിനെ തുടർന്നാണ് ഫോർട്ട് പൊലീസ് പിസി ജോർജിനെ കസ്റ്റഡിയിലെടുത്തത്.

തിരുവനന്തപുരം ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി രണ്ടാണ് ജാമ്യം റദ്ദാക്കിയത്. ജോർജിനെ അറസ്റ്റ് ചെയ്യാൻ ഫോർട്ട് അസിസ്റ്റൻ്റ് കമ്മീഷണർക്ക് കോടതി നിർദ്ദേശം നൽകിയിരുന്നു. കൂടാതെ ജോർജിനെ ഉടനടി അറസ്റ്റ് ചെയ്യണമെന്നാവശ്യപ്പെട്ട് പാലാരിവട്ടം സ്റ്റേഷനിലേക്ക് പിഡിപി പ്രവർത്തകർ മാർച്ച് നടത്തുകയും ചെയ്തിരുന്നു. അതേസമയം വെണ്ണലയിൽ മതവിദ്വേഷ പ്രസംഗം നടത്തിയ കേസിലാണ് പിസി ജോർജ് ഇന്ന് പാലാരിവട്ടം പൊലീസ് സ്റ്റേഷനിൽ  ഹാജരായത്.

അനന്തപുരി ഹിന്ദു മഹാസമ്മേളനത്തിൽ നടത്തിയ മതവിദ്വേഷ പ്രസംഗത്തിലാണ് പി സി ജോർജ്ജിനെതിരെ കോടതി നടപടിയെടുത്തത്. വെണ്ണല കേസിലെ ഡിജിറ്റൽ തെളിവുകൾ കോടതി പരിശോധിച്ച ശേഷമാണ് തിരുവനന്തപുരം ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി രണ്ട് ജാമ്യം റദ്ദാക്കിയിരിക്കുന്നത്. ജോർജിനെ അറസ്റ്റ് ചെയ്യാൻ കോടതി അന്വേഷണ ഉദ്യോഗസ്ഥന് നിർദേശവും നൽകിയത്.

നിയമം അനുസരിച്ചാണ് പോലീസ് സ്റ്റേഷനിൽ ഹാജരായതെന്ന് പിസി ജോർജിന്റെ മകൻ ഷോൺ ജോർജ് പറഞ്ഞു. .നിയമത്തെയും കോടതിയെയും അനുസരിക്കുമെന്നും എങ്ങോട്ടും ഒളിച്ചോടില്ലെന്നും ഷോൺ ജോർജ് പറഞ്ഞിരുന്നു. അന്വേഷണസംഘം എത്രയും വേഗം ജോർജിനെ അറസ്റ്റ് ചെയ്യണമെന്ന് ആവശ്യപ്പെട്ട് പിഡിപി പ്രവർത്തകർ പാലാരിവട്ടം സ്റ്റേഷൻ ഉപരോധിച്ചിരുന്നു.

Leave A Reply

Your email address will not be published.