ചോദ്യപേപ്പര്‍ ചോര്‍ന്ന വിഷയത്തില്‍ കര്‍ശന നടപടി വേണമെന്ന് പ്രധാനമന്ത്രി

0

ന്യൂ​ഡ​ല്‍​ഹി: സിബിഎസ്‌ഇ ചോദ്യപേപ്പര്‍ ചോര്‍ന്ന വിഷയത്തില്‍ കര്‍ശന നടപടി വേണമെന്ന് പ്രധാനമന്ത്രി നരേന്ദ്ര മോദി. ഇതുമായി ബന്ധപ്പെട്ട് കേന്ദ്ര മാനവവിഭവശേഷി മന്ത്രി പ്രകാശ് ജാവദേക്കറുമായി പ്രധാനമന്ത്രി ചര്‍ച്ച നടത്തി. ചോദ്യപപ്പര്‍ ചോര്‍ച്ച പ്രത്യേക സംഘം അന്വേഷിക്കുമെന്ന് ജാവദേക്കര്‍ അറിയിച്ചു.
ചോ​ദ്യ​പേ​പ്പ​ര്‍ ചോ​ര്‍​ച്ച നി​ര​ന്ത​രം സം​ഭ​വി​ക്കു​ന്ന​തി​നെ​തി​രെ വി​ദ്യാ​ര്‍​ഥി​ക​ളും മാ​താ​പി​താ​ക്ക​ളും ഡ​ല്‍​ഹി ഹൈ​ക്കോ​ട​തി​യെ സ​മീ​പി​ക്കാ​ന്‍ ഒ​രു​ങ്ങു​ക​യാ​ണെ​ന്ന് സൂചനകള്‍ വന്നിരുന്നു. പ​ത്താം ക്ലാ​സി​ലെ സാ​മൂ​ഹി​ക ശാ​സ്ത്ര പ​രീ​ക്ഷ​യു​ടേ​യും പ​ന്ത്ര​ണ്ടാം ക്ലാ​സി​ലെ ജീ​വ​ശാ​സ്‌​ത്ര പ​രീ​ക്ഷ‍​യു​ടെ​യും ചോ​ദ്യ​പേ​പ്പ​ര്‍‌ ചോ​ര്‍​ന്ന​താ​യും വി​ദ്യാ​ര്‍​ഥി​ക​ള്‍ നേരത്തെ ആരോപിച്ചിരുന്നു. പ​ത്താം ക്ലാ​സി​ലെ ക​ണ​ക്ക് പ​രീ​ക്ഷ​യു​ടെ ചോ​ദ്യ​പേ​പ്പ​ര്‍ ചൊ​വ്വാ​ഴ്ച രാ​ത്രി മു​ത​ലാണ് ഡ​ല്‍‌​ഹി​യി​ല്‍ സാ​മൂ​ഹി​ക മാ​ധ്യ​മ​ങ്ങ​ളി​ലൂ​ടെ പ്ര​ച​രി​ച്ചത്.
ചോ​ദ്യ​പേ​പ്പ​ര്‍ ചോ​ര്‍​ന്ന​തി​നെ തു​ട​ര്‍​ന്ന് സി​ബി​എ​സ്‌ഇ​യു​ടെ ര​ണ്ടു പ​രീ​ക്ഷ​ക​ള്‍ റ​ദ്ദാ​ക്കിക്കൊണ്ട് സിബിഎസ്‌ഇ ഇന്ന് ഉത്തരവിറക്കിയിരുന്നു. പ​ന്ത്ര​ണ്ടാം ക്ലാ​സി​ലെ സാ​മ്ബ​ത്തി​ക ശാ​സ്ത്ര​വും പ​ത്താം ക്ലാ​സി​ലെ ക​ണ​ക്ക് പ​രീ​ക്ഷ​യു​മാ​ണ് റ​ദ്ദാ​ക്കി​യ​ത്. പ​രീ​ക്ഷ​ക​ള്‍ വീ​ണ്ടും ന​ട​ത്തു​മെ​ന്ന് സി​ബി​എ​സ്‌ഇ അ​റി​യി​ക്കുകയും ചെയ്തു.

Leave A Reply

Your email address will not be published.