കൃഷ്ണമൃഗത്തെ വേട്ടയാടി കൊന്നെന്ന കേസില്‍ സല്‍മാന്‍ ഖാനെതിരേ വിധി ഇന്ന്
ജോധ്പുര്‍: ബോളിവുഡ് നടന്‍ സല്‍മാന്‍ ഖാനെതിരേ കൃഷ്ണമൃഗത്തെ വേട്ടയാടി കൊന്നെന്ന കേസില്‍ ജോധ്പുര്‍ ചീഫ് ജുഡീഷല്‍ മജിസ്ട്രേറ്റ് ഇന്നു വിധി പറയും. ചീഫ് ജുഡീഷല്‍ മജിസ്ട്രേറ്റ് ദേവ് കുമാര്‍ ഖാത്രിയാണു വിധി പ്രഖ്യാപിക്കുന്നത്. മാര്‍ച്ച്‌ 28നു കേസിന്‍റെ വിചാരണാനടപടികള്‍ പൂര്‍ത്തിയായിരുന്നു. സല്‍മാന്‍ ഖാനെക്കൂടാതെ, സയിഫ് അലി ഖാന്‍, തബു, സോണാലി ബേന്ദ്രേ, നീലം എന്നിവര്‍ വിധിപ്രഖ്യാപന വേളയില്‍ കോടതിയിലുണ്ടാകും. മുംബൈ വിമാനത്താവളത്തില്‍നിന്നു ചാര്‍ട്ടേഡ് വിമാനത്തില്‍ സല്‍മാന്‍ ഖാന്‍ ഇന്നലെ ജോധ്പുരിലെത്തി. റേസ് 3 എന്ന ചിത്രത്തിന്‍റെ ഷൂട്ടിംഗിനായി അബുദാബിയിലായിരുന്നു സല്‍മാന്‍.
Comments are closed.