മാവോയിസ്റ്റുകളെ പ്രോത്സാഹിപ്പിക്കുന്നത് ഇസ്ലാമിക തീവ്രവാദ പ്രസ്ഥാനങ്ങളാണ് : പി.മോഹനന്‍

കോഴിക്കോട്: മാവോയിസ്റ്റ് ബന്ധത്തെ തുടര്‍ന്ന് യുഎപിഎ ചുമത്തി സി.പി.എം പ്രവര്‍ത്തകരായ രണ്ട് വിദ്യാര്‍ത്ഥി അറസ്റ്റുചെയ്ത പോലീസ് നടപടിക്ക് എല്ലാ പിന്തുണയും നല്‍കുന്നതാണെന്ന്  പ്രസ്താവിച്ച് സി.പി.എം ജില്ലാ സെക്രട്ടറി പി.മോഹനന്‍ രംഗത്തെത്തി.

മാവോയിസ്റ്റുകള്‍ക്ക് വെള്ളവും വളവും കൊടുത്ത് അവരെ വളര്‍ത്തിക്കൊണ്ടുവരുന്നത് ഇപ്പോള്‍ ഇസ്ലാമിക പ്രസ്ഥാനങ്ങളാണ്. മാവോയിസ്റ്റുകളെ പ്രോത്സാഹിപ്പിക്കാന്‍ മതമൗലിക വാദികള്‍ക്കും ഇസ്ലാമിക തീവ്രവാദികള്‍ക്കും വലിയ ആവേശമാണെന്നും പോലീസ് പരിശോധിക്കേണ്ടത് പരിശോധിക്കുക തന്നെ വേണം. കോഴിക്കോട് കേന്ദ്രമായി പ്രവര്‍ത്തിക്കുന്ന മുസ്ലീം തീവ്രവാദ പ്രസ്ഥാനങ്ങളാണ് മാവോയിസ്റ്റുകള്‍ക്ക് എല്ലാ പ്രോത്സാഹനവും നല്‍കുന്നത്.

അതുകൊണ്ടാണ് കോഴിക്കോട്ട് പുതിയ കോലഹലവും സാന്നിധ്യവുമൊക്കെ വരുന്നത്. അവര്‍ തമ്മില്‍ ഒരു ചങ്ങാത്തമുണ്ടെന്നും താമരശ്ശേരിയില്‍ കെ.എസ്.കെ.ടിയു. ജില്ലാ സമ്മേളനത്തിന്റെ പൊതുയോഗത്തില്‍ സംസാരിക്കുകയായിരുന്ന അദ്ദേഹം പറഞ്ഞു.

Comments are closed.