കൊവിഡ് 19നെതിരെ സംയുക്ത പ്രതിരോധ നീക്കത്തിന് ഇന്ത്യന്‍ പ്രധാനമന്ത്രി നരേന്ദ്ര മോദിയുടെ ആഹ്വാനം
ദില്ലി: സാര്‍ക്ക് രാജ്യങ്ങളുടെ യോഗത്തില്‍ കൊവിഡ് 19നെതിരെ സംയുക്ത പ്രതിരോധ നീക്കത്തിന് ഇന്ത്യന്‍ പ്രധാനമന്ത്രി നരേന്ദ്ര മോദി പാകിസ്ഥാനുള്‍പ്പടെയുള്ള രാജ്യങ്ങള്‍ക്ക് നിര്‍ദ്ദേശം നല്‍കി. അതിനാല്‍ വിഡിയോ കോണ്‍ഫറന്‍സിലൂടെ ആലോചിച്ച് പ്രതിരോധ നടപടികള്‍ തീരുമാനിക്കാമെന്നും പ്രധാനമന്ത്രി പറഞ്ഞു. എന്നാല്‍ നരേന്ദ്ര മോദിയുടെ നിര്‍ദ്ദേശം പരിഗണിക്കുമെന്ന് പാക് സര്‍ക്കാര്‍ വൃത്തങ്ങള്‍ അറിയിച്ചു. തുടര്‍ന്ന് പാക് ദേശീയ സുരക്ഷ കൗണ്‍സില്‍ മോദിയുടെ നിര്‍ദ്ദേശം ചര്‍ച്ച ചെയ്യുന്നതാണ്.
അതേസമയം രോഗബാധ ഉയര്‍ത്തിയ വെല്ലുവിളിയെ തുടര്‍ന്ന് പാര്‍ലമെന്റ് സമ്മേളനം വെട്ടിച്ചുരുക്കണമെന്ന് കേന്ദ്രമന്ത്രി ഹര്‍സിമ്രത് കൗര്‍ ബാദല്‍ ആവശ്യപ്പെട്ടു. കൊവിഡ്19 നെ തുടര്‍ന്ന് ആദ്യ മരണം റിപ്പോര്‍ട്ട് ചെയ്ത കര്‍ണാടകത്തില്‍ മാര്‍ച്ച് 20 വരെ കടുത്ത നിയന്ത്രണങ്ങള്‍ ഏര്‍പ്പെടുത്തി. തിയേറ്ററുകള്‍, മാളുകള്‍, ഓഡിറ്റോറിയം തുടങ്ങിയവ അടച്ചിടും.
വിവാഹങ്ങളും പൊതുപരിപാടികളും മാറ്റിവെക്കണമെന്ന് മുഖ്യമന്ത്രി യെദിയൂരപ്പ അറിയിച്ചു. അതേസമയം കൊവിഡ് 19ന്റെ പശ്ചാത്തലത്തില്‍ ഉത്തര്‍പ്രദേശില്‍ എല്ലാ വിദ്യാഭ്യാസ സ്ഥാപനങ്ങള്‍ക്കും മാര്‍ച്ച് 22 വരെ അവധി പ്രഖ്യാപിച്ചു. ഇറ്റലിയില്‍ വിമാനത്താവളത്തില്‍ കുടുങ്ങിയ വിദ്യാര്‍ത്ഥികളുമായി ബന്ധപ്പെട്ടതായും ഇവര്‍ക്ക് ഭക്ഷണവും താമസവും അടക്കമുള്ള സൗകര്യങ്ങള്‍ ഒരുക്കിക്കൊടുക്കുമെന്നും ഇറ്റലിയിലെ ഇന്ത്യന്‍ കോണ്‍സുലേറ്റ് അറിയിച്ചു.
Comments are closed.