സംസ്ഥാനങ്ങളുടെ ജിഎസ്ടി നഷ്ടപരിഹാരം : കേന്ദ്ര സര്‍ക്കാര്‍ തീരുമാനത്തെ അംഗീകരിച്ചതായി ധനമന്ത്രാലയം

0

ദില്ലി: റിസര്‍വ് ബാങ്ക് വിന്‍ഡോ എന്ന പ്രത്യേക വായ്പ സംവിധാനത്തിലൂടെ റിസര്‍വ് ബാങ്ക് സംസ്ഥാനങ്ങളുടെ ജിഎസ്ടി നഷ്ടപരിഹാരം നല്‍കാനുളള കേന്ദ്ര സര്‍ക്കാര്‍ തീരുമാനത്തെ 21 സംസ്ഥാനങ്ങളും കേന്ദ്ര ഭരണപ്രദേശങ്ങളും അംഗീകരിച്ചതായി ധനമന്ത്രാലയം വൃത്തങ്ങള്‍ അറിയിച്ചു.

ആന്ധ്രാ പ്രദേശ്, അരുണാചല്‍ പ്രദേശ്, അസം, ബീഹാര്‍, ഗോവ, ഗുജറാത്ത്, ഹരിയാന, ഹിമാചല്‍ പ്രദേശ്, ജമ്മു ആന്‍ഡ് കശ്മീര്‍, കര്‍ണാടക, മധ്യപ്രദേശ്, മണിപ്പൂര്‍, മേഘാലയ, മിസോറാം, നാഗാലാന്റ്, ഒഡീഷ, പോണ്ടിച്ചേരി, സിക്കിം, ത്രിപുര, ഉത്തരാഖണ്ഡ്, ഉത്തര്‍പ്രദേശ് എന്നിവയാണ് കേന്ദ്ര നിര്‍ദ്ദേശം അംഗീകരിച്ച സംസ്ഥാനങ്ങളും കേന്ദ്ര ഭരണപ്രദേശങ്ങളും. ജിഎസ്ടി നിയമപ്രകാരം വോട്ടിംഗ് ആവശ്യമെങ്കില്‍ ജിഎസ്ടി കൗണ്‍സിലിന് 20 സംസ്ഥാനങ്ങളുടെ പിന്തുണയാണ് പ്രമേയം പാസാക്കാന്‍ ആവശ്യമുള്ളത്.

ഒക്ടോബര്‍ 5 ന് നടക്കാനിരിക്കുന്ന ജിഎസ്ടി കൗണ്‍സില്‍ യോഗത്തിന് മുമ്പ് കേന്ദ്രം വാഗ്ദാനം ചെയ്യുന്ന രണ്ട് ഓപ്ഷനുകളില്‍ ഒന്ന് സംസ്ഥാനങ്ങള്‍ സ്വീകരിക്കുമെന്നാണ് സൂചന ലഭിക്കുന്നത്. അല്ലാത്ത പക്ഷം നഷ്ടപരിഹാരം ലഭിക്കാന്‍ സംസ്ഥാനങ്ങള്‍ 2022 ജൂണ്‍ വരെ കാത്തിരിക്കേണ്ടിവരുമെന്ന് നിലവിലെ സാഹചര്യത്തില്‍ നിന്ന് വ്യക്തമാണെന്ന് ധനമന്ത്രാലയ വൃത്തങ്ങള്‍ അറിയിച്ചു.

Leave A Reply

Your email address will not be published.