തുലാമാസ പൂജകൾക്കായി ശബരിമലയിൽ ഇന്നുമുതൽ ഭക്തർക്ക് പ്രവേശനം അനുവദിക്കും.

0

പമ്പ: തുലാമാസ പൂജകൾക്കായി ശബരിമലയിൽ ഇന്നുമുതൽ ഭക്തർക്ക് പ്രവേശനം അനുവദിക്കും. പ്രതിദിനം 250 പേർക്കായിരിക്കും പ്രവേശനം. 48 മണിക്കൂർ മുമ്പ് പരിശോധിച്ച് കൊവിഡ് നെഗറ്റീവാണെന്ന് വ്യക്തമാക്കുന്ന സർട്ടിഫിക്കറ്റുള്ളവരെ മാത്രമേ നിലവിൽ കയറ്റിവിടാൻ അനുവാദമുള്ളൂ. ആരോഗ്യമുണ്ടെന്ന് വ്യക്തമാക്കുന്ന ഒരു മെഡിക്കൽ സർട്ടിഫിക്കറ്റും ഇതോടൊപ്പം ആവശ്യമാണ്. ഭക്തരുടെ ആരോഗ്യസംരക്ഷണം കരുതിക്കൂടിയാണിതെന്ന് മുഖ്യമന്ത്രി നേരത്തേ വ്യക്തമാക്കിയിരുന്നു.

മല കയറാൻ മാസ്ക് നിർബന്ധമല്ലെന്നാണ് നിർദേശം. എന്നാൽ ദർശനത്തിന് പോകുമ്പോഴും, താഴെ പമ്പയിലും മറ്റ് പ്രദേശങ്ങളിലും മാസ്ക് നിർബന്ധമായും വയ്ക്കേണ്ടതുണ്ട്. കൂട്ടം കൂടി ഭക്തർ മല കയറരുത്.

കൊവിഡ് സർട്ടിഫിക്കറ്റ് പരിശോധിക്കുക നിലയ്ക്കലിൽ വച്ചായിരിക്കും. സർട്ടിഫിക്കറ്റ് ഇല്ലാത്തവർക്കായി ആന്റിജൻ പരിശോധന നടത്തുന്നതുമാണ്. ഇതിനുള്ള സൗകര്യങ്ങൾ ഒരുക്കിയ വാഹനവും സജ്ജീകരിച്ചിട്ടുണ്ട്.

കൊവിഡ് നിയന്ത്രണങ്ങളുടെ ഭാഗമായി പമ്പയിൽ കുളിക്കാൻ അനുവദമില്ല. പകരം പമ്പയിൽ 20 ഷവറുകളാണ് സ്ഥാപിച്ചിരിക്കുന്നത്.ഭക്തർക്ക് നെയ്യഭിഷേകം നടത്താനും പ്രസാദം സ്വീകരിക്കാനും കഴിയില്ല.

അടുത്ത ഒരു വർഷത്തേക്കുള്ള ശബരിമല, മാളികപ്പുറം മേൽശാന്തിമാരുടെ നറുക്കെടുപ്പ് രാവിലെ എട്ടുമണിക്ക് നടന്നേക്കും. ശബരിമല മേൽശാന്തിമാർക്കുള്ള അന്തിമപട്ടികയിൽ ഒൻപതുപേരും മാളികപ്പുറം മേൽശാന്തിമാർക്കുള്ള പട്ടികയിൽ പത്തുപേരും ഇതിനോടകം ഇടംപിടിച്ചിട്ടുണ്ട്.

Leave A Reply

Your email address will not be published.