തുര്‍ക്കി പ്രസിഡന്റിന്റെ കശ്മീര്‍ പരാമര്‍ശത്തില്‍ വിമര്‍ശിച്ച് കേന്ദ്ര വിദേശകാര്യ മന്ത്രാലയം
ന്യുഡല്‍ഹി: പാകിസ്താന്‍ സന്ദര്‍ശനവേളയില്‍ തുര്‍ക്കി പ്രസിഡന്റ് റജബ് തയ്യിബ് ഉര്‍ദുഗാന്‍ നടത്തിയ കശ്മീര്‍ പരാമര്‍ശത്തില്‍ ഇന്ത്യയുടെ ആഭ്യന്തര കാര്യങ്ങളില്‍ ഇടപെടരുതെന്ന് തുര്‍ക്കിക്ക് നിര്‍ദേശം നല്‍കിയിരിക്കുകയാണ് കേന്ദ്ര വിദേശകാര്യ മന്ത്രാലയം. ഇരുരാജ്യങ്ങളെയും ബാധിക്കുന്ന വിഷയമായതിനാല്‍ തുര്‍ക്കിയുടെ പിന്തുണ പാകിസ്താനൊപ്പമാണെന്ന് ഉറപ്പുനല്‍കുന്നുവെന്നും കശ്മീരികള്‍ പീഡനം അനുഭവിക്കുകയാണെന്നും ഇന്ത്യ ഏകപക്ഷീയമായി ഇടപെട്ടുവെന്നുമുള്ള പരാമര്‍ശങ്ങളാണ് ഉര്‍ദുഗാന്‍ പാകിസ്താന്‍ പാര്‍ലമെന്റിന്റെ സംയുക്ത സമ്മേളനത്തില്‍ എടുത്തിട്ടത്.
കൂടാതെ ഈ ആഴ്ച പാരിസില്‍ നടക്കുന്ന ഫിനാന്‍ഷ്യല്‍ ആക്ഷന്‍ ടാസ്‌ക് ഫോഴ്സ് ഗ്രേ ലിസ്റ്റില്‍ നിന്നും പാകിസതാന്റെ പുറത്തുകൊണ്ടുവരാനുള്ള ശ്രമം തൂര്‍ക്കി നടത്തുമെന്നും അദ്ദേഹം പറഞ്ഞു. അതേസമയം പാകിസ്താനില്‍ നിന്നുള്ള ഭീകരവാദം ഉള്‍പ്പെടെ വസ്തുതകള്‍ ശരിക്കും മനസ്സിലാക്കൂവെന്നും ജമ്മു കശ്മീര്‍ ഇന്ത്യയുടെ അവിഭാജ്യവും അന്യാധീനപ്പെടാത്തതുമായ ഘടകമാണ്. ജമ്മു കശ്മീരുമായി ബന്ധപ്പെടുത്തിയുള്ള എല്ലാ പ്രതികരണങ്ങളേയും ഇന്ത്യ തള്ളിക്കളയുകയാണ്.
പാകിസ്താനില്‍ നിന്ന് ഇന്ത്യയ്ക്കും മേഖലയ്ക്കുമെതിരെ ഉയരുന്ന ഭീകരപ്രവര്‍ത്തനം അടക്കമുള്ള വസ്തുതകള്‍ ശരിക്കും മനസ്സിലാക്കിയെടുക്കുകയാണ് വേണ്ടതെന്നും വിദേശകാര്യ മന്ത്രാലയം വക്താവ് റവീഷ് കുമാര്‍ വ്യക്തമാക്കി. കഴിഞ്ഞ ഒക്ടോബറില്‍ വടക്കുകിഴക്കന്‍ സിറിയയില്‍ തുര്‍ക്കി സൈന്യത്തിന്റെ കുറ്റകരമായ ഇടപെടല്‍ ഉണ്ടായതില്‍ ഇന്ത്യ നിശിതമായ വിമര്‍ശനം നടത്തിയിരുന്നു. ഇതിനു ശേഷം ഇത് രണ്ടാം തവണയാണ് ഇന്ത്യയുടെ ആഭ്യന്തര കാര്യത്തില്‍ ഉര്‍ദുഗാന്‍ പ്രസ്താവനയുമായി എത്തുന്നത്.
Comments are closed.