Ultimate magazine theme for WordPress.

സാംസങ് ഗാലക്സി എ 71 ഇന്ത്യയില്‍ അവതരിപ്പിച്ച് സാംസങ്.

സാംസങ് ഗാലക്സി എ51 പുറത്തിറക്കി ആഴ്ച്ചകൾക്കകം ഗാലക്സി എ സീരിസിലെ പുതിയ സ്മാർട്ട്ഫോണും ഇന്ത്യയിൽ അവതരിപ്പിച്ചിരിക്കുകയാണ് സാംസങ്. സാംസങ് ഗാലക്‌സി എ 71 ഇന്ത്യയിലെ ഉപയോക്താക്കളെ ആകർഷിക്കുന്ന സവിശേഷതകളോടെയാണ് കമ്പനി അവതരിപ്പിച്ചിരിക്കുന്നത്. ഏത് സാഹചര്യത്തിലും ഉപഭോക്താക്കളുടെ ആവശ്യങ്ങൾ നിറവേറ്റാൻ ഗാലക്സി എ71ന് സാധിക്കുമെന്നാണ് ലോഞ്ചിങ് ഇവന്റിൽ വച്ച് കമ്പനി അവകാശപ്പെട്ടത്.

ഫെബ്രുവരി 24 മുതൽ റീട്ടെയിൽ സ്റ്റോറുകൾ, സാംസങ് ഓപ്പറ ഹൗസ്, സാംസങ് ഇ-ഷോപ്പ്, പ്രമുഖ ഓൺലൈൻ പോർട്ടലുകൾ എന്നിവയിൽ ഗാലക്സി എ 71 ലഭ്യമാകും. പ്രിസം ക്രഷ് സിൽവർ, ബ്ലൂ, ബ്ലാക്ക് നിറങ്ങളിലാണ് ഫോൺ പുറത്തിറക്കിയിരിക്കുന്നതെന്ന് സാംസങ് അറിയിച്ചു. 8 ജിബി റാമും 128 ജിബി സ്റ്റോറേജുമുള്ള ഒറ്റ സ്റ്റേറേജ് വേരിയന്റിലായിരിക്കും ഫോൺ ലഭ്യമാവുക. ഈ വേരിയന്റിന്റെ വില 29,999 രൂപയാണ്.

ഗാലക്‌സി എ 71ന് നൽകിയിരിക്കുന്നത് 6.7 ഇഞ്ച് ഇൻഫിനിറ്റി-ഒ സൂപ്പർ അമോലെഡ് ഡിസ്‌പ്ലേയാണ്. 8 ജിബി റാമും 128 ജിബി സ്റ്റോറേജും ജോടിയാക്കിയ ക്വാൽകോം സ്‌നാപ്ഡ്രാഗൺ 730 ഒക്ടാ കോർ ചിപ്‌സെറ്റാണ് ഗാലക്‌സി എ 71ന്റെ കരുത്ത്. മെച്ചപ്പെട്ട ഫ്രെയിം റേറ്റ്, സ്റ്റെബിലിറ്റി എന്നിവയിലൂടെ ഉപയോക്താക്കളുടെ ഗെയിമിംഗ് അനുഭവം മെച്ചപ്പെടുത്തുന്നതിനും AI- പവർ ഗെയിം ബൂസ്റ്ററിനൊപ്പം ഊർജ്ജ ഉപഭോഗം കുറയ്ക്കുന്നതിനും സ്മാർട്ട്‌ഫോണിന് സാധിക്കും.

സാംസങ് ഗാലക്‌സി എ 71ന്റെ ക്യാമറകൾ പരിശോധിച്ചാൽ 64 മെഗാപിക്സൽ ലെൻസുമായി ലോ ലൈറ്റ് ഫോട്ടോഗ്രഫിക്ക് എഫ് 1.8 അപ്പർച്ചർ നൽകുന്ന പ്രൈമറി ക്യാമറയാണ് ഫോണിൽ നൽകിയിരിക്കുന്നത്. ഇതിനൊപ്പം 12 മെഗാപിക്സൽ അൾട്രാ-വൈഡ് ലെൻസ് നൽകിയിരിക്കുന്നു. ഇത് 123 ഡിഗ്രി ഫീൽഡ് ഓഫ് വ്യൂ വാഗ്ദാനം ചെയ്യുന്നു. ഇതിനൊപ്പം 5 മെഗാപിക്സൽ മാക്രോ ക്യാമറയും 5 മെഗാപിക്സൽ ഡെപ്ത് ക്യാമറയും നൽകിയിരിക്കുന്നു. രസകരമായ മറ്റ് സവിശേഷതകൾക്കൊപ്പം സ്ലോ മോഷൻ വീഡിയോകൾ എടുക്കാനുള്ള സംവിധാനവും ഈ ഫോണിലുണ്ട്.

25W സൂപ്പർ-ഫാസ്റ്റ് ചാർജിംഗുള്ള 4,500 എംഎഎച്ച് ബാറ്ററിയാണ് ഈ സ്മാർട്ട്ഫോണിന് കരുത്ത് നൽകുന്നത്. സോഫ്റ്റ്വെയർ പരിശോധിച്ചാൽ ആൻഡ്രോയിഡ് 10 അടിസ്ഥാനമാക്കിയുള്ള വൺ യുഐ 2 ഉപയോഗിച്ചാണ് ഫോൺ പ്രവർത്തിക്കുന്നത്. കൂടാതെ സാംസങ് പേയുടെ ഫുൾ വേർഷനെ സപ്പോർട്ട് പിന്തുണയ്ക്കുകയും ചെയ്യും.

Comments are closed.