‘കവി ഉദ്ദേശിച്ചത്’ എന്ന ഹിറ്റ് ചിത്രത്തിനു ശേഷം ‘ സംവിധായകൻ പി.എം തോമസ് കുട്ടിയുടെ രണ്ടാമത്തെ ചിത്രം ‘ഉസ്കൂൾ’ ട്രെയ്‌ലർ റിലീസ് ചെയ്തു.പ്ലസ് ടു സെൻ്റ് ഓഫ് ഡേയിൽ നടക്കുന്ന സംഭവങ്ങളുടെ പശ്ചാത്തലത്തിൽ കൗമാരകാല പ്രണയത്തിൻ്റെ നർമ്മ മുഹൂർത്തങ്ങളിലൂടെ കഥ പറയുന്ന സിനിമയാണ് ‘ഉസ്കൂൾ’.
പുതുമുഖങ്ങൾക്ക് പ്രാധാന്യം നൽകി ബോധി മൂവി വർക്സിൻ്റെ ബാനറിൽ ബീബു പരങ്ങേൻ, ജയകുമാർ തെക്കേകൊട്ടാരത്ത്, ബെൻസിൻ ഓമന, കെ.വി. പ്രകാശ്, പി.എം. തോമസുകുട്ടി എന്നിവർ ചേർന്നാണ് ചിത്രത്തിന്റെ നിർമ്മാണം. പ്രസൂൺ പ്രഭാകർ ഛായാഗ്രഹണം നിർവ്വഹിക്കുന്നു.ബോധി മൂവി വർക്സും ചെന്നൈ ഫിലിം ഫാക്ടറിയും ചേർന്ന് ഏപ്രിൽ 14 ന് വിഷുവിന് ‘ഉസ്കൂൾ’ തിയെറ്ററുകളിലെത്തിക്കും.
എക്സിക്യൂട്ടീവ് പ്രൊഡ്യൂസർ- ഷൈബിൻ ടി., അരുൺ എൻ. ശിവൻ. വിനായക് ശശികുമാർ, മനു മഞ്ജിത് എന്നിവരുടെ വരികൾക്ക് ഷഹബാസ് അമൻ, സാമുവൽ അബി, ഹിമ ഷിൻജു എന്നിവർ സംഗീതം പകരുന്നു. ഷഹബാസ് അമൻ, സിയ ഉൾഹഖ്, ഹിമ ഷിൻജു, കാർത്തിക് പി. ഗോവിന്ദ് എന്നിവരാണ് ഗായകർ.
അഭിജിത്, നിരഞ്ജൻ, അഭിനന്ദ് ആക്കോട്, ഷിഖിൽ ഗൗരി, അർച്ചന വിനോദ്, പ്രിയനന്ദ, ശ്രീകാന്ത് വെട്ടിയാർ, ലാലി പി.എം., ലിതിലാൽ തുടങ്ങി നൂറോളം ആർട്ടിസ്റ്റുകൾ അഭിനയിക്കുന്നു.പി.ആർ.ഒ.- എ.എസ്. ദിനേശ് എഡിറ്റിംങ്ങ്- എൽ കട്ട്സ്, കലാസംവിധാനം- അനൂപ് മാവണ്ടിയൂർ, മേക്കപ്പ്- സംഗീത് ദുന്ദുഭി, കോസ്റ്റ്യൂംസ്- പ്രിയനന്ദ, പ്രൊജക്റ്റ് ഡിസൈനർ- ലിജു തോമസ്, റിലീസിംഗ് ഡിസൈനർ- ഷൈബിൻ ടി., ഡിസൈൻ- ആൻ്റണി സ്റ്റീഫൻ, സ്റ്റിൽസ്- സാജു നടുവിൽ.