കേരള ക്രിക്കറ്റ് അസോസിയേഷൻ താരം മിന്നു മണിയെ പ്രഥമ വനിത പ്രീമിയർ ലീഗിന്റെ താരലേലത്തിൽ 30 ലക്ഷം രൂപയ്ക്ക് ഡൽഹി ക്യാപ്റ്റിൽസ് സ്വന്തമാക്കി.കേരളത്തിന്റെ ഓൾറൗണ്ടർ താരമാണ് മിന്നു മണി.പത്ത് ലക്ഷം രൂപ അടിസ്ഥാന തുകയായിരുന്ന മിന്നുവിനെയാണ് ഡൽഹി 30 ലക്ഷം രൂപയ്ക്ക് സ്വന്തമാക്കിയത്.
കേരള ക്രിക്കറ്റ് അസോസിയേഷന് പുറമെ അണ്ടർ 23 ഏഷ്യ കപ്പിൽ ഇന്ത്യക്ക് വേണ്ടി പ്രതിനിധീകരിച്ചിട്ടുണ്ട് മിന്നു മണി. ഇന്ത്യൻ എ താരവും കൂടിയാണ് മിന്നു. 1525 താരങ്ങളാണ് ഡബ്ല്യുപിഎല്ലിന്റെ ഭാഗമാകാൻ രജിസ്റ്റർ ചെയ്തത്. ഇതിൽ 409 താരങ്ങൾ മാത്രമാണ് ലേല പട്ടികയിൽ ഇടം നേടിയിരിക്കുന്നത്. അതിൽ 246 പേർ ഇന്ത്യയിൽ നിന്നുള്ളവരാണ്.
യുപി വാരിയേഴ്സ്, ഗുജറാത്ത് ജയന്റ്സ്, ഐപിഎൽ ടീമുകളായ മുംബൈ ഇന്ത്യൻസ്, റോയൽ ചലഞ്ചേഴ്സ് ബാംഗ്ലൂർ. ഡൽഹി ക്യാപിറ്റൽസ് എന്നീ അഞ്ച് ടീമുകളാണ് പ്രഥമ ഡബ്ല്യുപിഎല്ലിൽ അണിനരക്കുക.ഒരു ടീമിന് പരമാവധി 18 താരങ്ങളെയാണ് ലേലത്തിലൂടെ സ്വന്തമാക്കാൻ സാധിക്കുക. ഏറ്റവും കുറഞ്ഞത് 15 താരങ്ങളെ എങ്കിലും ലേലത്തിലൂടെ സ്വന്തമാക്കണം. അങ്ങനെയാണെങ്കിൽ ആകെയുള്ള 406 പേരിൽ 90 താരങ്ങളെ ലേലത്തിൽ വിറ്റ് പോകാൻ സാധ്യതയുള്ളൂ. ഒരു ടീമിൽ അഞ്ച് വിദേശ താരങ്ങൾ മാത്രമേ ഉണ്ടാവാൻ പാടുള്ളു.
ഏഴ് മലയാളി താരങ്ങളാണ് പട്ടികയിൽ ഇടം നേടിട്ടുള്ളത്. ഇന്ത്യയുടെ അണ്ടർ19 താരം നജില സിഎംസി, കീർത്തി കെ ജെയിംസ്, സജന എസ്, അനശ്വര സന്തോഷ്, ഷാനി ടി, മൃദുല വിഎസ് എന്നിവരാണ് കേരള ക്രിക്കറ്റ് അസോസിയേഷനെ പ്രതിനിധീകരിച്ചുകൊണ്ട് ബിസിസിഐ പുറത്ത് വിട്ട ഡബ്ലിയുപിഎല്ലിന്റെ ലേല പട്ടികയിൽ ഇടം നേടിയിരിക്കുന്നത്. എല്ലാവർക്കും പത്ത് ലക്ഷം രൂപയാണ് അടിസ്ഥാന തുക.
ഇടം കൈ ബാറ്ററും മിന്നും ഓഫ് സ്പിന്നറും കൂടിയായ മിന്നു മണി വയനാട് സ്വദേശിനായണ്.