തിരുവനന്തപുരം: നർത്തകിയും അവതാരകയും ടെലിവിഷൻ പ്രോഗ്രാം പ്രൊഡ്യൂസറും ആയിരുന്ന ഷീബ ശ്യാമപ്രസാദ് (59) അന്തരിച്ചു.തിരുവനന്തപുരത്തെ സ്വകാര്യ ആശുപത്രിയിൽ ഇന്നലെ രാത്രി പത്തരയോടെയായിരുന്നു അന്ത്യം.ഷീബ ദൂരദർശനിലെ ആദ്യകാല അനൗൺസറാണ്.സംവിധായകൻ ശ്യാമപ്രസാദിന്റെ ഭാര്യയാണ്.
സ്റ്റേറ്റ് ബാങ്ക് ഓഫ് ഇന്ത്യയിൽ ഉദ്യോഗസ്ഥയായി ജോലി ചെയ്തു വരികയായിരുന്നു.അർബുദ രോഗത്തെ തുടർന്ന് ചികിത്സയിലായിരുന്നു.ബിജെപി നേതാവും മുൻ എംഎൽഎയുമായ ഒ രാജഗോപാലിന്റെ മരുമകളാണ്.പരസ്യസംവിധായകനും നിർമാതാവുമായ വിഷ്ണു ശ്യാമപ്രസാദ്, ശിവകാമി ശ്യാമപ്രസാദ് എന്നിവരാണ് മക്കൾ.സംസ്കാരം വൈകിട്ട് 3.30ന് തൈക്കാട് ശാന്തികവാടത്തിൽ.