കൊച്ചി: താമരശ്ശേരിയിലെ പ്രവാസി മുഹമ്മദ് ഷാഫിയെ തട്ടിക്കൊണ്ടുപോയത് അധോലോക നായകൻ രവി പൂജാരിയുടെ സംഘമെന്നാണ് സൂചന.രവി പൂജാരിയുടെ സംഘത്തിലുള്ള മോനായി എന്ന നിസാം സലീമിനെ കേന്ദ്രീകരിച്ച് പൊലീസ് അന്വേഷണം ആരംഭിച്ചു.വിദേശത്തുനിന്നാണ് ഇയാൾ ക്വട്ടേഷൻ സംഘത്തെ നിയന്ത്രിക്കുന്നത്.
കൊച്ചിയിലെ ബ്യൂട്ടി പാർലർ വെടിവയ്പ്പ് കേസിലെ പിടികിട്ടാപ്പുള്ളിയാണ് നിസാം സലിം.ഷാഫിയെ തടങ്കലിൽ വച്ചിരിക്കുന്ന അജ്ഞാത കേന്ദ്രം കാസര്കോട് ജില്ലയിലെന്നാണ് പൊലീസിന് സൂചന.ഷാഫിയെ താമസിപ്പിച്ചിരിക്കുന്നത് കർണാടക അതിര്ത്തിയില് മഞ്ചേശ്വരത്തിനടുത്താണെന്ന് പൊലീസിന് വിവരം ലഭിച്ചു. തട്ടിക്കൊണ്ടുപോകാനുപയോഗിച്ച കാര് ഈ ഭാഗത്തു നിന്നു കസ്റ്റഡിയിലെടുത്തു.ഷാഫിയുടെ ഫോണ് ലൊക്കേറ്റ് ചെയ്തതായി സൂചനയുണ്ട്.
താമരശ്ശേരി പരപ്പന്പൊയില് സ്വദേശി ഷാഫി, ഭാര്യ സനിയ എന്നിവരെ കഴിഞ്ഞ വെള്ളിയാഴ്ച്ചയാണ് അജ്ഞാത സംഘം തോക്ക് ചൂണ്ടി തട്ടിക്കൊണ്ടുപോയത്. ഭാര്യയെ പിന്നീട് വഴിയില് ഇറക്കിവിട്ടു.തട്ടിക്കൊണ്ടുപോകലുമായി ബന്ധപ്പെട്ട് പലകാര്യങ്ങളും കുടുംബാംഗങ്ങള് മറച്ചുവെയ്ക്കുന്നതിനാല് അന്വേഷണം സുഗമമായി മുന്നോട്ടുകൊണ്ടുപോകാന് കഴിയാത്ത അവസ്ഥയാണെന്ന് പൊലീസ് പറയുന്നു.
സൗദി രാജകുടുംബത്തിന്റെ 80 കോടിയോളം രൂപ വിലമതിക്കുന്ന 325 കിലോ സ്വര്ണ്ണം താനും സഹോദരനും കടത്തിയിരുന്നു.ഇതിന്റെ വിഹിതം ലഭിക്കാത്തതിനെത്തുടര്ന്നാണ് തട്ടിക്കൊണ്ടുപോകല് എന്നാണ് സൂചന. കേസിൽ പങ്കുണ്ടെന്ന് സംശയിക്കുന്ന നാല് പേരെ കസ്റ്റഡിയിലെടുത്തിട്ടുണ്ട്