പത്തനംതിട്ടയിൽ കാറിൽ പീഡനം, ഭർത്താവിന്റെ സുഹൃത്തും ബന്ധുവും അറസ്റ്റിൽ

പത്തനംതിട്ട: യാത്രയ്ക്കിടെ കോന്നിയില്‍ കാറിൽവച്ച് 31 കാരിയായ യുവതിയെ ബന്ധുവും ഭര്‍ത്താവിന്റെ സുഹൃത്തും ചേര്‍ന്ന് ലൈംഗികമായി പീഡിപ്പിച്ചു. ഭര്‍ത്താവിന്റെ പരാതിയുടെയും യുവതി നല്‍കിയ മൊഴിയുടെയും അടിസ്ഥാനത്തിൽ വാഴമുട്ടം സ്വദേശി രഞ്ജിത്ത്, വള്ളിക്കോട് സ്വദേശി അനീഷ് എന്നിവരെ പൊലീസ് അറസ്റ്റ് ചെയ്തു.

അസുഖബാധിതയായ ഭര്‍ത്താവിന്റെ സുഹൃത്തിന്റെ ഭാര്യയെ ആശുപത്രിയിൽ കാണാന്‍ ദമ്പതികള്‍ പോകാന്‍ നേരം സുഹൃത്തുക്കളായ മറ്റുചില സുഹൃത്തുക്കൾ കൂടി ഇവർക്കൊപ്പം ആശുപത്രിയില്‍ പോകാനെത്തിയതിനാൽ ഭര്‍ത്താവ് മറ്റൊരാള്‍ക്കൊപ്പം ഇരുചക്രവാഹനത്തില്‍ ആശുപത്രിയിലേക്ക് പോയി. ബന്ധുവിനും ഭര്‍ത്താവിന്റെ സുഹൃത്ത് അനീഷിനും മറ്റൊരു യുവാവിനുമൊപ്പം യുവതി കാറിലും ആശുപത്രിയിലേക്ക് പോയി.

വഴിമധ്യേ ആളൊഴിഞ്ഞ സ്ഥലത്തുവെച്ച് രഞ്ജിത്തും അനീഷും കടന്നുപിടിക്കുകയും ലൈംഗികമായി പീഡിപ്പിക്കുകയും ചെയ്തു.വീട്ടിലെത്തിയശേഷം യുവതി നടന്ന സംഭവങ്ങള്‍ ഭര്‍ത്താവിനോട് വെളിപ്പെടുത്തി. തുടര്‍ന്ന് വിവരം കോന്നി പൊലീസില്‍ അറിയിച്ചു. കേസെടുത്ത പൊലീസ് യുവതിയുടെ വൈദ്യപരിശോധനയ്ക്ക് വിധേയയാക്കി. ഇന്ധനം തീര്‍ന്നുപോയതുകൊണ്ടാണ് ആശുപതിയിലെത്താൻ വൈകിയതെന്നാണ് പ്രതികള്‍ പൊലീസിനോട് പറഞ്ഞത്.