ആലപ്പുഴ: 22 ഗ്രാം എംഡിഎംഎയുമായി മൂന്ന് യുവാക്കൾ ആലപ്പുഴയിൽ പിടിയിലായി.കൊടുങ്ങല്ലൂർ പുത്തൻവേലിക്കര ഇളയോടത്ത് റഹിം, ആലപ്പുഴ കഞ്ഞിക്കുഴി വേലിയേകത്ത് രഞ്ജിത്ത്, ചേർത്തല മായിത്തറ കുടിലിണ്ടൽ വീട് ഡിൽമോൻ എന്നിവരാണ് പിടിയിലായത്.
രണ്ട് വർഷമായി എംഡിഎംഎ കച്ചവടം നടത്തിവരികയായിരുന്ന ഇവർ ആദ്യമായാണ് ഇത്രയും അളവ് മയക്കുമരുന്നുമായി പിടിയിലാകുന്നത്.ചേർത്തല, മുഹമ്മ, മാരാരിക്കുളം സി.ഐമാരുടെ നേതൃത്വത്തിലുളള പോലീസ് സംഘവും ലഹരി വിരുദ്ധ സ്ക്വാഡും നടത്തിയ സംയുക്ത ഓപ്പറേഷനിലാണ് യുവാക്കളെ പിടികൂടിയത്.
ചെറുപ്പക്കാർക്കുൾപ്പെടെ നഗരത്തിൽ മയക്കുമരുന്ന് എത്തിച്ചു കൊടുക്കുന്ന സംഘമാണിവർ.