ന്യൂഡൽഹി: ബിഹാറിലെ ബക്സർ ജില്ലയിൽ ട്രെയിൻ പാളംതെറ്റി 4 യാത്രക്കാർ മരിച്ചു. നൂറിലേറെപേർക്ക് പരിക്കേറ്റു.ഡൽഹി അനന്ത് വിഹാർ സ്റ്റേഷനിൽ നിന്ന് അസമിലെ കാമാഖ്യയിലേക്ക് പോവുകയായിരുന്ന 12506 നോർത്ത് ഈസ്റ്റ് എക്സ്പ്രസിന്റെ 6 കോച്ചുകൾ രാത്രി 9.50 ന് രഘുനാഥ്പുർ സ്റ്റേഷന് സമീപമെത്തിയപ്പോഴാണ് പാളം തെറ്റി അപകടമുണ്ടായത്.
3 എസി കോച്ചുകൾ അടക്കം 6 കംപാർട്മെന്റുകളാണു പാളം തെറ്റിയത്. ആദ്യം രക്ഷാപ്രവർത്തനത്തിന് എത്തിയ നാട്ടുകാരോടൊപ്പം ദുരന്തനിവാരണ സേനയമെത്തിയതോടെ രക്ഷാപ്രവർത്തനം എളുപ്പമായി.ഒട്ടേറെ ട്രെയിനുകൾ വഴിതിരിച്ചുവിട്ടതായും
രക്ഷാപ്രവർത്തനം പൂർത്തിയായതായും റെയിൽവേ മന്ത്രി അശ്വിനി വൈഷ്ണവ് അറിയിച്ചു. അപകടത്തില് വിശദമായ അന്വേഷണത്തിന് അദ്ദേഹം ഉത്തരവിട്ടു.
ഗുരുതരമായി പരിക്കേറ്റവരെ പാറ്റ്ന എയിംസിസിൽ പ്രവേശിപ്പിച്ചു.കേന്ദ്രമന്ത്രിയും ബക്സർ എംപിയുമായ അശ്വിനി കുമാർ ചൗബെ അപകട സ്ഥലം സന്ദർശിച്ചു.