കുവൈത്ത്: പലസ്തീന് ജനതയ്ക്ക് ഐക്യദാര്ഢ്യവുമായി കുവൈത്ത്. പലസ്തീന് ജനതയ്ക്കും രക്തസാക്ഷികള്ക്കും ഐക്യദാര്ഢ്യം പ്രഖ്യാപിച്ചു കൊണ്ട് രാജ്യത്തെ എല്ലാ ആഘോഷ പരിപാടികളും നിര്ത്തിവെക്കാന് ഇന്നലെ അടിയന്തരമായി കൂടിയ മന്ത്രിമാരുടെ കൗണ്സിലില് നിര്ദ്ദേശിച്ചു.
കുവൈത്തില് ഇനിയൊരു അറിയിപ്പ് ഉണ്ടാകുന്നത് വരെ ആഘോഷ പരിപാടികള് നടത്തരുതെന്ന് ഇന്ത്യന് എംബസിയും അറിയിപ്പ് നല്കിയിട്ടുണ്ട്.എല്ലാ ഇന്ത്യന് അസോസിയേഷനുകളും ഇത് പാലിക്കണമെന്നും കുവൈത്ത് വിദേശകാര്യ മന്ത്രാലയവുമായി ബന്ധപ്പെട്ട ശേഷമാണ് ഇക്കാര്യം അറിയിക്കുന്നതെന്നും എംബസി വാര്ത്താ കുറിപ്പില് വ്യക്തമാക്കി. സംഗീതം, നൃത്തം തുടങ്ങിയ ഏതെങ്കിലും ഉള്പ്പെടുന്ന ആഘോഷങ്ങളോ പരിപാടികളോ കൂടുതല് നിര്ദ്ദേശങ്ങള് ഉണ്ടാകുന്നത് വരെ നടത്തേണ്ടതില്ലെന്ന് മന്ത്രാലയം അറിയിച്ചിട്ടുണ്ട്.