ചിക്കാഗോ: യുഎസിലെ ചിക്കാഗോയിൽ ഗർഭിണിയായ മലയാളി യുവതിക്ക് നേരെ ഭർത്താവ് വെടിയുതിർത്തു. കോട്ടയം ഉഴവൂർ സ്വദേശിയായ മീര (32) ആണ് ഭർത്താവ് ഏറ്റുമാനൂർ സ്വദേശി അമൽ റെജിയുടെ ആക്രമണത്തിനിരയായത്. ഗുരുതര പരിക്കേറ്റ യുവതിയെ ആശുപത്രിയിൽ പ്രവേശിപ്പിച്ചു.
വെടിയേറ്റ മീരയുടെ നില ഗുരുതരമാണെന്നാണ് റിപ്പോർട്ട്. വയറ്റിലെ രക്തസ്രാവം നിയന്ത്രണവിധേയമായിട്ടില്ലെന്നാണ് ഉഴവൂരിലെ ബന്ധുക്കൾക്ക് വിവരം ലഭിച്ചത്. കുടുംബപ്രശ്നങ്ങളെ തുടർന്നാണ് അമൽ റെജിയുടെ ആക്രമണമെന്നാണ് സൂചന . പ്രതിയെ പോലീസ് അറസ്റ്റു ചെയ്തു.