തൃശൂർ : തൃശൂർ പെരിങ്ങോട്ടുകരയിൽ ഡോക്ടറുടെ നേതൃത്വത്തിൽ നടത്തിവന്ന വ്യാജ മദ്യ നിർമ്മാണം കേന്ദ്രം കണ്ടെത്തി. ഇരിങ്ങാലക്കുട സ്വദേശി ഡോ.അനൂപിന്റെയും കൂട്ടാളികളുടെയും നേതൃത്വത്തിലാണ് വ്യാജ മദ്യ നിർമാണ കേന്ദ്രം പ്രവർത്തിച്ചിരുന്നത്. .എക്സൈസ് നടത്തിയ റെയ്ഡിലാണ് 1200 ലിറ്റർ മദ്യവുമായി ഡോക്ടർ അനൂപും കൂട്ടാളികളും പിടിയിലാകുന്നത്.
ഡോക്ടർ അനൂപിന് പുറമെ കോട്ടയം സ്വദേശികളായ റെജി, റോബിൻ, തൃശൂർ കല്ലൂർ സ്വദേശി സിറിൾ ചിറയ്ക്കൽ സ്വദേശി പ്രജീഷ്, കൊല്ലം സ്വദേശി മെൽവിൻ ഉൾപ്പെടെ ആറുപേരെ എക്സൈസ് സംഘം അറസ്റ്റ് ചെയ്തു.അറസ്റ്റിലായ ഡോക്ടർ അനൂപ് ഓർത്തോപീഡിക് സർജനാണ്. സ്പിരിറ്റ് എത്തിച്ച് മദ്യം നിർമിക്കുന്ന കേന്ദ്രമാണിതെന്നാണ് എക്സൈസ് പറയുന്നത്