തിരുവനന്തപുരം: കുടിശ്ശിക തീര്‍ക്കുന്നതില്‍ സപ്ലൈകോ വീഴ്ച വരുത്തിയതോടെ റേഷന്‍ കടകളില്‍ സാധനങ്ങളെത്തിക്കുന്ന കരാറുകാര്‍ അനിശ്ചിതകാല സമരത്തിലേക്ക്. സംസ്ഥാനത്ത് റേഷന്‍ വിതരണം ഇന്ന് മുതല്‍ തടസപ്പെട്ടേക്കും. കൊച്ചിയില്‍ ചേര്‍ന്ന ട്രാന്‍സ്‌പോര്‍ട്ടിംഗ് കോണ്‍ട്രാക്ടേഴ്‌സ് അസോസിയേഷന്‍ യോഗമാണ് അനിശ്ചിതകാല സമരം പ്രഖ്യാപിച്ചത്.
എഫ് സി ഐ ഗോഡൗണില്‍ നിന്ന് സാധനങ്ങൾ സംസ്ഥാനത്തെ വിവിധ റേഷന്‍ സംഭരണ കേന്ദ്രങ്ങളിലേക്കും വിവിധ റേഷന്‍ കടകളിലേക്കും വിതരണത്തിനെത്തിക്കുന്ന കരാറുകാരാണ് സമരം ചെയ്യുന്നത്. നിലവിൽ കിട്ടാനുള്ള കുടിശ്ശിക തന്നു തീര്‍ക്കാതെ മുന്നോട്ടുപോകാനാവില്ലെന്ന നിലപാടിലാണ് കരാറുകാർ.