തിരുവനന്തപുരം: ലോക്സഭാ തെരഞ്ഞെടുപ്പിനുള്ള സ്ഥാനാർഥികളെ പ്രഖ്യാപിച്ച് മുസ്ലിം ലീഗ്. ഇ ടി മുഹമ്മദ് ബഷീർ മലപ്പുറത്തും അബ്ദു സമദ് സമദാനി പൊന്നാനിയിലും മത്സരിക്കും.മലപ്പുറത്ത് സമദാനിയും പൊന്നാനിയിൽ ഇ ടി മുഹമ്മദ് ബഷീറും സിറ്റിങ് എംപിമാരാണ്. ഇത്തവണ ഇരുവരും മണ്ഡലം വെച്ചുമാറുകയായിരുന്നു.
പാണക്കാട് ചേർന്ന മുസ്ലിം ലീഗ് പാർലമെൻ്ററി പാർട്ടി യോഗത്തിന് ശേഷം സംസ്ഥാന പ്രസിഡൻ്റ് പാണക്കാട് ശിഹാബ് തങ്ങളാണ് സ്ഥാനാർഥികളെ പ്രഖ്യാപിച്ചത്.മൂന്നാം സീറ്റിന് പകരം മുസ്ലിം ലീഗിന് ലഭിക്കുന്ന രാജ്യസഭാ സീറ്റിലേക്കുള്ള സ്ഥാനാർഥിയെ പിന്നീട് പ്രഖ്യാപിക്കുമെന്ന് നേതൃത്വം അറിയിച്ചു.
ഇ ടിയുടെ പ്രായവും പാർട്ടി നേതാവെന്ന നിലയ്ക്കുള്ള തിരക്കും കണക്കിലെടുത്താണ് പൊന്നാനിക്ക് പകരം മലപ്പുറം സീറ്റ് നൽകിയത്. തമിഴ്നാട്ടിലെ രാമനാഥപുരത്ത് നവാസ് കനിയാണ് ലീഗ് സ്ഥാനാർഥി