തിരുവനന്തപുരം: എങ്ങനെയാണ് ഒരു കോൺഗ്രസുകാരനെ വിശ്വസിച്ച് വിജയിപ്പിക്കുക.കോൺഗ്രസ് ജനാധിപത്യ വ്യവസ്ഥയ്ക്ക് നാണക്കേടുണ്ടാക്കുന്ന തരത്തിലേക്ക് മാറി.കോൺഗ്രസുകാർ കൂട്ടത്തോടെ ബിജെപിയിലേക്ക് ചേക്കേറുകയാണെന്നും മുഖ്യമന്ത്രി പിണറായി വിജയൻ.
കോൺഗ്രസുകാർക്ക് വോട്ട് ചെയ്ത് വിജയിപ്പിച്ചാൽ അവർ കോൺഗ്രസായി നിൽക്കുമോ. അതിന് ആർക്കെങ്കിലും ഗ്യാരണ്ടി പറയാൻ കഴിയുമോ? കോൺഗ്രസിന്റെ 11 മുൻ മുഖ്യമന്ത്രിമാരാണ് ബിജെപിയിൽ ചേർന്നത്. എല്ലിൻ കഷ്ണം കിട്ടാൻ ഓടുന്നവരേ പോലെ ബിജെപിക്ക് പിന്നാലെ ഓടുകയാണ് കോൺഗ്രസിലെ ചിലെരെന്നും മുഖ്യമന്ത്രി പിണറായി വിജയൻ.
കോൺഗ്രസിൽ നിന്നും എത്തുന്നവരെ ബിജെപി ഇരുകയ്യും നീട്ടി അവരെ സ്വീകരിക്കുകയാണ്. പണം വേണ്ടവർക്ക് പണവും സ്ഥാനം വേണ്ടവർക്ക് സ്ഥാനവും വാദ്ഗാനം നൽകുകയാണ്. കേരളത്തിൽ ഇന്നൊരാൾ പരസ്യമായി ബിജെപിയിലേക്ക് പോയല്ലോ.. വിലപേശൽ നടക്കുകയാണ്. വിലയുറപ്പിച്ചവരുമുണ്ട്. പറ്റിയ സമയത്ത് മാറാമെന്ന വാഗ്ദാനം നല്കിയവരുമുണ്ട്.വേണ്ടി വന്നാൽ താൻ ബിജെപിയിലേക്ക് പോകുമെന്ന് പറഞ്ഞ ആളെ മറന്നോ എന്നും മുഖ്യമന്ത്രി ചോദിച്ചു.
രാജ്യത്തെ വർഗീയതയിലേക്ക് വഴിതിരിച്ച് വിടാതിരിക്കാൻ ലോക്സഭയിൽ ഇടത് സാന്നിധ്യം വേണമെന്നും ചിന്തിക്കാൻ സമയമായെന്നും മുഖ്യമന്ത്രി പിണറായി വിജയൻ പറഞ്ഞു.