ന്യൂഡൽഹി: സിവില്‍ സര്‍വീസ് പരീക്ഷാ ഫലം പ്രഖ്യാപിച്ചു.ആദിത്യ ശ്രീവാസ്തവയാണ് ഒന്നാം റാങ്ക് നേടിയത്. അനിമേഷ് പ്രധാൻ രണ്ടാം റാങ്കും ഡൊണൂരു അനന്യ റെഡ്ഡി മൂന്നാം റാങ്കും നേടി. എറണാകുളം സ്വദേശിയായ പികെ സിദ്ധാർഥ് രാംകുമാറാണ് നാലാം റാങ്ക് നേടിയത്.സിദ്ധാർഥിന്റെ നാലാം സിവിൽ സർവീസ് നേട്ടമാണിത്.
മലയാളികളായ വിഷ്ണു ശശികുമാർ മുപ്പത്തിയൊന്നാം റാങ്കും അർച്ച പിപി നാൽപ്പതാം റാങ്കും രമ്യ ആർ നാൽപ്പത്തിയ‍ഞ്ചാം റാങ്കും നേടിയിട്ടുണ്ട്. കസ്തൂരി ഷാ (68), ഫാബി റഷീദ് (71), പ്രശാന്ത് എസ് (78), ആനി ജോ‍ർജ് (93), ജി ഹരിശങ്കർ (107), ഫെബിൻ ജോസ് തോമസ് (133) എന്നിവരാണ് സിവിൽ സർവീസ് പരീക്ഷയിൽ റാങ്ക് നേടിയ മറ്റ് മലയാളികൾ.
2022ൽ 121-ാം റാങ്ക് നേടിയ സിദ്ധാർഥ് നിലവിൽ ഐപിഎസ് ട്രെയിനിങ്ങിലാണ്.