തിരുവനന്തപുരം: പോലീസിലെ കൊടുംക്രിമിനലുകളുടെ കൂട്ടമാണ് മുഖ്യമന്ത്രിയുടെ അംഗരക്ഷകരും ഗണ്മാന്മാരും.ഓരോരുത്തരുടേയും ക്രിമിനല് പശ്ചാത്തലം തങ്ങള്ക്ക് വ്യക്തമായി അറിയാം.കെ.എസ്.യു – യൂത്ത് കോണ്ഗ്രസ് പ്രവര്ത്തകര്ക്കെതിരെ ഗുണ്ടായിസം കാണിച്ചാല് അതേരീതിയില് പ്രതികരിക്കുമെന്നും പോലീസിനെതിരെ ആഞ്ഞടിച്ച് പ്രതിപക്ഷ നേതാവ് വി.ഡി സതീശൻ.
മുദ്രാവാക്യം വിളിച്ച രണ്ട് കെ.എസ്.യു നേതാക്കളെ ലോക്കല് പോലീസെത്തി പിടിച്ചു മാറ്റിയതിന് ശേഷമാണ് മുഖ്യമന്ത്രിക്കൊപ്പം സഞ്ചരിക്കുന്ന ഗുണ്ടകള് അഴിഞ്ഞാടിയതെന്ന് പ്രതിപക്ഷ നേതാവ് വിമർശിച്ചു. എല്ലാ കാലത്തും പിണറായി വിജയന് കേരളത്തിന്റെ മുഖ്യമന്ത്രി ആയിരിക്കില്ലെന്നും അംഗരക്ഷകരായ പോലീസ് ക്രിമിനലുകള് ഓര്ക്കണമെന്നും പ്രതിപക്ഷ നേതാവ് വി.ഡി സതീശൻ പറഞ്ഞു.