ഇടുക്കി: കോടികൾ വില മതിക്കുന്ന ആനക്കൊമ്പുകൾ അടിമാലി ഫോറസ്റ്റ് റേഞ്ച് പരിധിയിൽ വരുന്ന കുറത്തിക്കുടിയിൽ നിന്നും വനംവകുപ്പുദ്യോഗസ്ഥർ പിടിച്ചെടുത്തു. കുറത്തിക്കുടി സ്വദേശിയായ പുരുഷോത്തമനാണ് വനംവകുപ്പുദ്യോഗസ്ഥരുടെ പിടിയിലായത്.
കൊമ്പുകൾ വിൽപ്പന നടത്തുവാൻ ശ്രമിക്കുന്നതിനിടെയാണ് പിടിയിലായതെന്നാണ് വനംവകുപ്പുദ്യോഗസ്ഥർ നൽകുന്ന വിവരം.പിടിച്ചെടുത്ത ആനക്കൊമ്പുകൾക്ക് 9 കിലോതൂക്കം വരും. സംഭവത്തിൽ കൂടുതൽ പ്രതികൾ ഉൾപ്പെട്ടിട്ടുള്ളതായും ഇവർക്കായി അന്വേഷണം തുടരുകയാണെന്നും വനംവകുപ്പുദ്യോഗസ്ഥർ അറിയിച്ചു.