ജിദ്ദ: ഹജ്ജ് നടപടിക്രമങ്ങള് പരമാവധി എളുപ്പവും കാര്യക്ഷമവും ആക്കുക എന്ന ലക്ഷ്യത്തിന്റെ ഭാഗമായി ഈ വര്ഷത്തെ ഹജ്ജ് തീര്ഥാടനം നിര്വഹിക്കാന് ആഗ്രഹിക്കുന്ന വിദേശികള്ക്ക് സ്വന്തം രാജ്യങ്ങളില് നിന്ന് നുസുക്ക് മൊബൈല് ആപ്പ് വഴി അപേക്ഷ സർപ്പിക്കാമെന്ന് സൗദി ഹജ്ജ് ഉംറ മന്ത്രാലയം .പോര്ട്ടല് വഴിയുള്ള ബുക്കിംഗിന് അവസരം നല്കുക വഴി, ഹജ്ജ് ചെയ്യാന് ആഗ്രഹിക്കുന്ന എല്ലാ വിശ്വാസികള്ക്കും തുല്യ അവസരങ്ങള് നല്കാനാണ് മന്ത്രാലയം ശ്രമിക്കുന്നതെന്നും പ്രസ്താവനയില് അറിയിച്ചു.
ഹജ്ജ് തീര്ഥാടനത്തിനുള്ള അപേക്ഷ ഉള്പ്പെടെയുള്ള കാര്യങ്ങള്ക്കായി സര്ക്കാര് പുറത്തിറിക്കിയ ഏകീകൃത പ്ലാറ്റ് ഫോമായ നുസുക് ഹജ്ജ് ആപ്പ് വഴിയോ, hajj.nusuk.sa എന്ന വെബ്സൈറ്റ് വഴിയോ ഉള്ള ഓണ്ലൈന് പ്ലാറ്റ് ഫോമുകളിലൂടെ ഹജ്ജിന് അപേക്ഷിക്കുമ്പോള് എളുപ്പത്തില് നടപടിക്രമങ്ങള് പൂര്ത്തിയാക്കാമെന്നതാണ് സവിശേഷത.രജിസ്റ്റര് ചെയ്യാനും ബുക്ക് ചെയ്യാനും പണമടയ്ക്കാനും കൂടാതെ തീര്ത്ഥാടകരുടെ വിമാന യാത്ര ക്രമീകരണങ്ങള്, ആവശ്യമായ മാര്ഗനിര്ദേശങ്ങള്, ഗതാഗതം, താമസം, ഭക്ഷണം തുടങ്ങിയ സേവനങ്ങള് ഉള്പ്പെടുന്ന പാക്കേജുകള് തുടങ്ങിയവ തെരഞ്ഞെടുക്കാനും നുസുക്ക് ഓണ്ലൈന് പ്ലാറ്റ്ഫോമിലൂടെ സാധിക്കുമെന്നും അധികൃതര് അറിയിച്ചു.
പദ്ധതിയുടെ ആദ്യ ഘട്ടത്തില് യൂറോപ്പ്, യുഎസ്എ, ഓസ്ട്രേലിയ, ഫ്രാന്സ്, ജര്മ്മനി, യുഎസ്, യുകെ, ഇറ്റലി, ബ്രസീല്, സ്പെയിന്, കാനഡ, നെതര്ലാന്ഡ്സ്, ബെല്ജിയം, സ്വീഡന്, ഓസ്ട്രിയ, ഓസ്ട്രേലിയ, ബള്ഗേറിയ, അര്ജന്റീന, ഗ്രീസ്, ജോര്ജിയ, സ്വിറ്റ്സര്ലന്ഡ്, സൈപ്രസ്, ഡെന്മാര്ക്ക്, വെനിസ്വേല, ഉക്രെയ്ന്, നോര്വേ, ട്രിനിഡാഡ് ആന്ഡ് ടൊബാഗോ, ഫിന്ലാന്ഡ്, കൊളംബിയ, ഗയാന, സുരിനാം, അയര്ലന്ഡ്, റൊമാനിയ, ക്രൊയേഷ്യ, ന്യൂസിലാന്ഡ്, സെര്ബിയ, പോര്ച്ചുഗല്, പോളണ്ട്, റീയൂണിയന്, ഹംഗറി, പനാമ, ചെക്ക് റിപ്പബ്ലിക്, ലക്സംബര്ഗ്, പരാഗ്വേ, മെക്സിക്കോ, മെക്സിക്കോ മാള്ട്ട, ഹെയ്തി, പെറു, ഡൊമിനിക്കന് റിപ്പബ്ലിക്, ക്യൂബ, ഗ്വാട്ടിമാല, എല് സാല്വഡോര്, ഉറുഗ്വേ, ജമൈക്ക, കോസ്റ്റാറിക്ക, നിക്കരാഗ്വ, ഐസ്ലാന്ഡ്, ഇക്വഡോര്, ബൊളീവിയ, ഗ്രീന്ലാന്ഡ് എന്നിങ്ങനെ 58 രാജ്യങ്ങളില് ഉള്ളവര്ക്കാണ് ഈ സേവനം ലഭ്യമാകുക.
ഈ രാജ്യങ്ങളില് താമസ വിസയില് കഴിയുന്ന ഇന്ത്യക്കാര്ക്കും ഓണ്ലൈന് സേവനം ഉപയോഗിച്ച് ഹജ്ജിന് വരാവുന്നതാണ്.രാജ്യം സന്ദര്ശിക്കുന്ന വിശ്വാസികളുടെ മതപരവും സാംസ്കാരികവുമായ അനുഭവങ്ങള് മെച്ചപ്പെടുത്തുന്നതിനുള്ള വിവിധ ഓപ്ഷനുകളും നുസുക് പ്ലാറ്റ്ഫോം വാഗ്ദാനം ചെയ്യുന്നു. ഉപയോക്താക്കളെ അവരുടെ സ്വന്തം പ്രൊഫൈലുകള് സൃഷ്ടിക്കാനും ഡാറ്റ നല്കാനും സേവന പാക്കേജുകള് ബുക്ക് ചെയ്യാനും അവലോകനം ചെയ്യാനും ആവശ്യമായ രേഖകള് സമര്പ്പിക്കാനും പാക്കേജി നുള്ള പണം അടയ്ക്കാനും സഹായിക്കുന്ന നുസുക്ക് പ്ലാറ്റ്ഫോമില് ഏഴ് ഭാഷകളില് വിവരങ്ങള് ലഭ്യമാണെന്നും അധികൃതര് അറിയിച്ചു.
ഹജ്ജ് തീര്ഥാടകര്ക്ക് വിദേശ ഏജന്സികള് മുഖേന ഹജ്ജിന് അപേക്ഷിക്കേണ്ട ആവശ്യമില്ലാതെ തന്നെ, സേവന പാക്കേജുകള് വാങ്ങാനും വിസ നേടാനും എളുപ്പമാക്കുക എന്നതാണ് നുസുക്ക് ഗേറ്റ്വേ ലക്ഷ്യമിടുന്നത്.